Argitaratua: 2012

Argitaratua: 2011

Irati-Belagua trekkinga zeharkaldi zirkularra da Nafarroako Pirinioetan eta Zuberoko Bortuetan barrena. Zeharkaldiak zazpi etapa dauzka, 141 km orotara, ia denak seinaleztatutako bideetatik. Txoko zoragarriak bisitatzen ditu, halanola Iratiko oihan kitzikagarria, Zuberoako arroila ikusgarriak eta Belaguako tontor altuak. Trekking honetako ibilbide zirkularrarentzat Orhi mendia da erreferentzia gune nagusia. Gidaliburu honekin aukera baliagarria eman nahi diegu mendi alde horiek ezagutu nahi dutenei, bertako paisaia liluragarriak, kultura oparoa eta historia luzea agerian utziz. Pagoaren eremuetan barna, galtzada zaharrak, milaka urteko historiaz zamatutako mendi lepoak, ibar berde sorginduak& urratsez urrats gozatu egingo dugu, bidaide mendi mitikoak (Abodi, Okabe, Orhi, Lakhura&) ditugula. Frantsesez.

Argitaratua: 2011

Irati-Belagua trekkinga zeharkaldi zirkularra da Nafarroako Pirinioetan eta Zuberoko Bortuetan barrena. Zeharkaldiak zazpi etapa dauzka, 141 km orotara, ia denak seinaleztatutako bideetatik. Txoko zoragarriak bisitatzen ditu, halanola Iratiko oihan kitzikagarria, Zuberoako arroila ikusgarriak eta Belaguako tontor altuak. Trekking honetako ibilbide zirkularrarentzat Orhi mendia da erreferentzia gune nagusia. Gidaliburu honekin aukera baliagarria eman nahi diegu mendi alde horiek ezagutu nahi dutenei, bertako paisaia liluragarriak, kultura oparoa eta historia luzea agerian utziz. Pagoaren eremuetan barna, galtzada zaharrak, milaka urteko historiaz zamatutako mendi lepoak, ibar berde sorginduak& urratsez urrats gozatu egingo dugu, bidaide mendi mitikoak (Abodi, Okabe, Orhi, Lakhura&) ditugula. Gaztelaniaz

Argitaratua: 2011

Pirinioak bizikletaz korritzea Frantziako Tourreko mendate ospetsuak igoz; horra hor txirrindulari askoren amets handienetako bat. Gure mendilerroak badauka, gainera, bestelako interesik, kilometro sorta laburra eginez itsaso bi lotuko baititugu paisaia liluragarrietan eta historiaz mukuru betetako mendietan barrena. Gidaliburu honen laguntzaz, irakurleak, bidaiariak, mutur batean zein bestean abiatuta, bere bidaia antolatu ahalko du, Pirinioetako errepideetatik. Mendilerroren itzulia osatuko dugu horrela, hegoaldeko zein iparraldeko isurialdeetatik. Gaztelaniaz.

Argitaratua: 2011

Pirinioak bizikletaz korritzea Frantziako Tourreko mendate ospetsuak igoz; horra hor txirrindulari askoren amets handienetako bat. Gure mendilerroak badauka, gainera, bestelako interesik, kilometro sorta laburra eginez itsaso bi lotuko baititugu paisaia liluragarrietan eta historiaz mukuru betetako mendietan barrena. Gidaliburu honen laguntzaz, irakurleak, bidaiariak, mutur batean zein bestean abiatuta, bere bidaia antolatu ahalko du, Pirinioetako errepideetatik. Mendilerroren itzulia osatuko dugu horrela, hegoaldeko zein iparraldeko isurialdeetatik. Frantsesez.

Argitaratua: 2010

Pirinioetako Goi Ibilbidearen Euskal Herriko zatia argitara atera da, azkenean. Denetara 10 etapa besterik ez dira baina ibilbidea goi-goitik doa, benetan, eta horretarako gailurrez gailur ibiliko gara, nekezago baina, aldi berean, emozioz beteago. Hendaian abiatu eta Lescun bitartean, Bidasoa aldeko mendietatik hasi, Larrunera igo, Atxuria, Auza, Lindux, Urkulu eta Mendizarreko tontorrak zapaldu, Okabe aldeko larreetatik igaro eta Orhiko tontor lerrotik joko dugu. Are gehiago. Mendi bizkar luzeko goialdea zedarrituko dugu: Otsogorrigaina, Barazea, Kartxela, Lakhura eta, azken opari gisa, Pirinio guztiak Auñamenditik bertatik ikusita.

Argitaratua: 2009

Donostia eta Baiona arteko trekking hau proposamen berri-berria eta zeharo ikusgarria da. Lehenengoz, hiriburu biak zeharkaldi zirkular baten bidez lotu ditugu. Denetara 12 etapa ditu ibilbideak, tartean Pagoeta eta Aiako Harria parke naturalak direla. Noizean behin Done Jakue bidetik doa (kostaldeko adarra), baita ibilbide luzeko bideetatik ere (GR-11, GR-34, GR-121 eta GR-8). Tontor ezaugarriak ez dira falta: Adarra, Bianditz, Larrun& Eta Euskal Herriko natur ibilbide kitzikagarrienetako batetik barneratzen da: Itsasertzeko Xendra eta Talaia bideetatik euskal kostaldea korritzen du Baionatik Zarautzera. Gidaliburuak hiru bisita ezinbesteko proposatzen ditu etapa bakoitzeko, urratsez urrats gure historia eta kultura hobeto ezagutu ditzagun. Gaztelaniaz.

Argitaratua: 2009

Donostia eta Baiona arteko trekking hau proposamen berri-berria eta zeharo ikusgarria da. Lehenengoz, hiriburu biak zeharkaldi zirkular baten bidez lotu ditugu. Denetara 12 etapa ditu ibilbideak, tartean Pagoeta eta Aiako Harria parke naturalak direla. Noizean behin Done Jakue bidetik doa (kostaldeko adarra), baita ibilbide luzeko bideetatik ere (GR-11, GR-34, GR-121 eta GR-8). Tontor ezaugarriak ez dira falta: Adarra, Bianditz, Larrun& Eta Euskal Herriko natur ibilbide kitzikagarrienetako batetik barneratzen da: Itsasertzeko Xendra eta Talaia bideetatik euskal kostaldea korritzen du Baionatik Zarautzera. Gidaliburuak hiru bisita ezinbesteko proposatzen ditu etapa bakoitzeko, urratsez urrats gure historia eta kultura hobeto ezagutu ditzagun. Frantsesez.

Argitaratua: 2009

Euskaldunak, beste herri asko bezalaxe, itsasoarekin harremanetan bizi izan dira, ozeanoan barneratzen, ondasunak eta biziak arriskuan jartzen. Prehistoriako bizilagunak moluskoak batzen hasi zirenetik zazpi itsaso zeharkatzen zituzten marinelen garaietara arte, hamaika belaunaldik egin du lan eremu latz hori gure egiteko. Gure kostaldeko 225 kilometroak, historia horretako laburbilduma ederra, hamairu etapatan banatu ditugu. Bidean hondartzak, itsaslabarrak, kala bakartiak, baleak zelatatzeko talaiak, galtzada zaharrak, kresalaz bustitako mendiak, dunak, padurak, basoak eta bokale itzelak azalduko zaizkigu. Itsas ondoko herria zain dugu.

Argitaratua: 2009

Zergatik ez lotu, mendi ibilbidea osatuz, Euskal Herria estatu bitan banatzen duten 276 mugarriak? Horra hor testuaren egileak egindako galdera. Erantzuna, hemen aurkezten dizugun liburua: 16 etapatan 206 km egin eta itsasoaren gaineko 15 metrotik, Bidasoa ibaiaren ondoan, Belaguako 2.358 metroraino igo. 1858an paratu zituzten mugarri horiek, paisaiari ikuspegi geometrikoa ezarriz, lekuan lekuko tradizio eta mugak alde batera utzita. Horrela banatu zituzten herriak, ibarrak, sendiak. Hizkuntza eta herri bateko seme-alabak izatearen kontzientzia dira batasunerako tresna bakarrak.

Argitaratua: 2008

Ordesa, Aigüestortes eta Pirinioetako ipar isurialdean- parke nazionalak mendilerro osoko natur eremu zabalenak eta garrantzitsuenak dira. Seguruenez ez dira asko izango hiru parke horiek zeharkaldi batean lotzeko gauza izan direnak. Hona hemen helburu hori nola lortu.

Argitaratua: 2008

Mutur batetik bestera, hasi iparretik eta hegoaldetik buka, ibilian-ibilian, hamar bat egunez ekialderantz eta beste horrenbeste mendebalderantz, horrela egingo dugu bira Euskal Herriko Pirinioak ardatz hartuta. Ibilbidea zeharkaldi zirkular luzea da, hogei etapakoa, abiatu berritan batez ere Ipar Euskal Herriko mendiak zeharkatzen dituen GR-10aren atzetik doala. Hiru Erregeen Mahaia egin ostean, Nafarroan barrena sartuko gara GR11ren marken atzetik, Pirinioetako hegoaldeko isurialdetik Gipuzkoaraino. Jaizkibelgo hegiatan amaituko da, Higer lurmuturraren ondoan, Kantauri itsasoa azpian dugula. Ibilbide zirkularra, mendizale peto-petoen gustagarri.

Argitaratua: 2008

Pirinioaurreko mendietatik zeharkaldia. Ideia interesgarria, bai horixe, beraz mendilerroko mapak hartu eta buru belarri ekin genion lanari. Ez zen hain erraza suertatu. Leku batzuetan behialako ardibideak, bidezidorrak eta baita erromatar galtzadak ere baliatu genituen. Beste batzuetan, ostera, bidea urratu behar izan genuen, biderik ez zegoelako, guk nahi genuen ibilbidea nondik egin bilatu nahian. Azkenean, Catalunyako Pirinioaurrea Aragoikoarekin eta Nafarroakoarekin lotzea erdietsi genuen, zeharkaldi ederra osatuz. Paisaia liluragarriak, kirol ahaleginak eta kulturak bat egiten duten bidaia ezezagun bezain erakargarria.

Argitaratua: 2005

Euskal Herria mendebaldetik ekialderaino, Zalama menditik (Karrantza) gure gailurrik garaienera arte, Hiru Erregeen Mahaiara arte alegia. Bizipen kitzikagarria, herrialdeak, paisaiak, mendialdeak eta ibarrak zeharkatzen. Bide luze hori 19 etapatan banatuta dago eta sei lotura eskaintzen ditu hiriburuak bisitatzeko. Jakingarri praktikoak, profilak eta mapak lagungarriak izango dira Euskal Herria aldizkariaren proposamen hau gauzatzeko orduan. Mikel Tellagorri bidaiari eta mendizale adituak idatzi ditu testuak. Argazkiak Alberto Muro espezialistarenak dira.

Argitaratua: 2003

Liburu hau Nafarroako Pirinioetako Zeharkaldien Gidaliburuaren bigarren zatia da. Bere baitan 22 ibilbide aurkituko ditugu, Pirinio atlantiarreko eremuan barrena. Tartean dira Baztan, Bortziriak, Malerreka, Urumea eta Leitzaran. Eta, gehigarri, Nafarroa Beherea eta Lapurdi zein Zuberoako gertu lurraldeak.

Argitaratua: 2000

Bilduma berri hau aurrera doa Nafarroako Pirinioetako goi aldeetako ibarrei eskainitako lehenengo liburu honekin: Aezkoa, Zaraitzu, Erroibar eta Erronkaribar dira eszenatokiak. Egun bateko edo egun biko ia 40 proposamen (gehienak zeharkaldi zirkularrak).

Argitaratua: 1998

Bilduma honetan asteburuan egiteko mendi zeharkaldiak edo egun bateko edo biko ibilbideak aurkituko ditugu, behar beste jakingarriz hornituta. Dagozkien mapez eta argazkiez gain, liburuak zehatz-mehatz deskribatzen ditu heltzeko moduak, desnibelak, komunikabideak& Lehenengo liburu honetan euskal mendiak dira protagonista. Herrialde guztietan barrena ibiliz, denetara 37 zeharkaldi proposatzen dizkizuegu, tontor bat edo gehiago egiteko nahiz ibilbide zirkularrak osatzeko.